ಆ ತೂ ನ॑ ಇಂದ್ರ ಕ್ಷು॒ಮಂತಂ᳚ ಚಿ॒ತ್ರಂ ಗ್ರಾ॒ಭಂ ಸಂ ಗೃ॑ಭಾಯ । ಮ॒ಹಾ॒ಹ॒ಸ್ತೀ ದಕ್ಷಿ॑ಣೇನ ॥ 1 ॥
ವಿ॒ದ್ಮಾ ಹಿತ್ವಾ᳚ ತುವಿಕೂ॒ರ್ಮಿಂ ತುವಿದೇ᳚ಷ್ಣಂ ತು॒ವೀಮ॑ಘಂ । ತು॒ವಿ॒ಮಾ॒ತ್ರಮವೋ᳚ಭಿಃ ॥ 2 ॥
ನ॒ ಹಿ ತ್ವಾ᳚ ಶೂರ ದೇ॒ವಾ ನ ಮರ್ತಾ᳚ ಸೋ॒ ದಿತ್ ಸಂ᳚ತಂ । ಭೀ॒ಮಂ ನ ಗಾಂ ವಾ॒ರಯಂ᳚ತೇ ॥ 3 ॥
ಏತೋ॒ನ್ವಿಂದ್ರಂ॒ ಸ್ತವಾ॒ಮೇಶಾ᳚ನಂ॒ ವಸ್ವ॑: ಸ್ವ॒ರಾಜಮ್᳚ । ನ ರಾಧ॑ಸಾ ಮರ್ಧಿಷನ್ನಃ ॥ 4 ॥
ಪ್ರ ಸ್ತೋ᳚ಷ॒ದುಪ॑ ಗಾಸಿ ಷ॒ಚ್ಛ್ರವ॒ತ್ಸಾಮ॑ ಗೀ॒ಯಮಾ᳚ನಂ । ಅ॒ಭಿರಾಧ॑ಸಾ ಜುಗುರತ್ ॥ 5 ॥
ಆ ನೋ᳚ ಭರ॒ ದಕ್ಷಿ॑ಣೇನಾ॒ಭಿ ಸ॒ವ್ಯೇನ॒ ಪ್ರ ಮೃ॑ಶ । ಇಂದ್ರ॒ ಮಾನೋ॒ ವಸೋ॒ರ್ನಿರ್ಭಾ᳚ಕ್ ॥ 6 ॥
ಉಪ॑ಕ್ರಮ॒ಸ್ವಾ ಭ॑ರ ಧೃಷ॒ತಾ ಧೃ॑ಷ್ಣೋ॒ ಜನಾ᳚ನಾಮ್ । ಅದಾ᳚ಶೂಷ್ಟರಸ್ಯ॒ ವೇದ॑: ॥ 7 ॥
ಇಂದ್ರ॒ ಯ ಉ॒ ನು ತೇ॒ ಅಸ್ತಿ॒ ವಾಜೋ॒ ವಿಪ್ರೇ᳚ಭಿ॒: ಸನಿ॑ತ್ವಃ । ಅ॒ಸ್ಮಾಭಿ॒: ಸುತಂ ಸ॑ನುಹಿ ॥ 8 ॥
ಸ॒ದ್ಯೋ॒ಜುವ॑ಸ್ತೇ॒ ವಾಜಾ᳚ ಅ॒ಸ್ಮಭ್ಯ᳚ಮ್ ವಿ॒ಶ್ವಶ್ಚಂ᳚ದ್ರಾಃ । ವಶೈ᳚ಶ್ಚ ಮ॒ಕ್ಷೂ ಜ॑ರಂತೇ ॥ 9 ॥
ಗ॒ಣಾನಾಂ᳚ ತ್ವಾ ಗ॒ಣಪ॑ತಿಂ ಹವಾಮಹೇ ಕ॒ವಿಂ ಕ॑ವೀ॒ನಾಮು॑ಪ॒ಮ ಶ್ರ॑ವಸ್ತಮಮ್ । ಜ್ಯೇ॒ಷ್ಠ॒ರಾಜಂ॒ ಬ್ರಹ್ಮ॑ಣಾಂ ಬ್ರಹ್ಮಣಸ್ಪತ॒ ಆ ನ॑: ಶೃ॒ಣ್ವನ್ನೂ॒ತಿಭಿಃ॑ ಸೀದ॒ ಸಾದ॑ನಮ್ ॥ 10 ॥
ನಿ ಷು ಸೀ᳚ದ ಗಣಪತೇ ಗ॒ಣೇಷು॒ ತ್ವಾಮಾ᳚ಹು॒ರ್ವಿಪ್ರ॑ತಮಂ ಕವೀ॒ನಾಂ । ನ ಋ॒ತೇ ತ್ವತ್ಕ್ರಿ॑ಯತೇ॒ ಕಿಂ ಚ॒ನಾರೇ ಮ॒ಹಾಮ॒ರ್ಕಂ ಮ॑ಘವಂಚಿ॒ತ್ರಮರ್ಚ ॥ 11 ॥
ಅ॒ಭಿ॒ಖ್ಯಾನೋ᳚ ಮಘವ॒ನ್ನಾಧ॑ಮಾನಾ॒ನ್ ತ್ಸಖೇ᳚ ಬೋ॒ಧಿ ವ॑ಸುಪತೇ॒ ಸಖೀ᳚ನಾಂ । ರಣಂ᳚ ಕೃಧಿ ರಣಕೃತ್ಸತ್ಯ ಶು॒ಷ್ಮಾಭ॑ಕ್ತೇ ಚಿ॒ದಾ ಭ॑ಜಾ ರಾ॒ಯೇ ಅ॒ಸ್ಮಾನ್ ॥ 12 ॥.
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ।।